Баянауыл ауданының орталықтандырылған кітапхана жүйесінің даму жолы

Баянауылда кітапханалық қызмет көрсету 1930 жылдарда басталды. Мұрағаттық деректерге қарағанда 1935 жылы Баянауылда 3300 дана кітап қоры бар кітапхана жұмыс жасаған.

Орталық аудандақ кітапхана 1950 жылы ашылған. 1980 жылы аудан және ауыл кітапханалары жаңадан құрылған орталықтандырылған кітапхана жүйесіне біріктірілді. ОКЖ құрамына 45 кітапхана-филиал кірді.

2004 жылы кітапхана жүйесі жеке заңды тұлға ретінде тіркелді.

Ауданымызда кітапхана саласының дамуына өзіндік үлес қосқан, Н.Қ. Қазкенова, З.И. Елубаева, В.Ф. Яско, Г.Т. Назарбаева, Қ. Шолақова, Қ.Ә.Балдаеваларды атап өтуге болады. Осы салада 30 жылдан аса Г.Баймақанова, Ш.Бакишева, Ш.Темірбекова, Н.Маслюковалар қызмет еткен.

Қызықты анықтама!

1926 жылдан – мектеп колхозшы жастар мектебі (ШКМ) болып аталынды. Мектепті революцияға дейін, талапты жастар бітіріп шыққан. Пәндерді ой-өрісі кең ұстаздар жүргізді. Бүгінгі күнге дейін ұстаз А.И.Жарковтың есімі жетті.Ұзақ жылдар мектеп директоры болып жұмыс істеді, орыс әдебиетінен сабақ берді. Соғыс уақытында Ленинград блокадасының мұғалімдері сабақ берді. Математика пәнінің мұғалімі, Поволжье репрессиясының жазаланушысы, Е.Г.Юдинаны жұмысқа алу туралы бұйрық сақталған.

Мектепте оқыған танымал адамдар:

Жазушы, ақын, драматург Ж.Аймауытов, академиктер Ә.Марғұлан, Ш.Шөкин, тарих ғылымның докторы Е.Бекмаханұлы, жазушы Қ.Исабаев, милиция генерал-майоры Дүйсенбин Қ. Ғ.

Осы мекемеде 1966 – 1995 жылдары мектеп-интернаты болған.
1995 – 2015 – жатақхана, кәсіптік лицейдін оқу-өндірістік кабинеті. 2019 – аудандық кітапхана.












Баянауыл ауданының ОКЖ бүгінгі күні

Бүгінгі күні Баянауыл ауданының ОКЖ – сі КММ құрамына 22 кітапхана, оның ішінде 1 аудандық кітапхана.

ОКЖ-ның кітап қоры – 162897 дана, оның ішінде қазақ тіліндегі әдебиет – 100797 дана.

ОКЖ бойынша 27 әуесқой бірлестік жұмыс істейді, оның ішінде 22 клуб, 5 үйірме (балаларға арналған 8 клуб, 3 үйірме).

ОКЖ – нің кітапханаларында 13219 оқырман, соның ішінде 8562 виртуалды қолданушылар.

Оқушылар мен студенттерге арналған жалпы тарих, Қазақстан тарихы, экономика, психология, философия, заң ғылымдары т.,б. салалар бойынша оқу құралы баршылық.
2006 жылдың наурыз айынан бастап электронды каталог жүргізіледі.

Кітапхана қорын насихаттау мақсатында әдебиеттерді ұсыну тізімі, библиографиялық көрсеткіштер әзірленеді. Кітапхана ұжымы мол тәжірибелі.

Баянауыл ОКЖ инновациялық технологияларды пайдалану, ақпараттық-библиографиялық процесстерді компьютерлендіру 2006 жылдан басталды, РАБИС бағдарламасы орнатылды.

Қазіргі уақытта аудандық ОКЖ компьютерлермен, сканермен, көпфункционалды құрылғылармен, факс, видео проектормен қоса, LED- экранмен жабдықталған.

2008-2020 жылғы аралығында электронды деректер базасы – кітаптар: 18070, мақалалар: 32084. Толық мәтінді деректер базасы – 672 кітап, 2523 мақала.

Баянауыл ауданының орталықтандырылған кітапхана жүйесі (ОКЖ)

Баянауыл ауданының ОКЖ-не аудандық кітапхана және 22 ауыл кітапханалары кіреді:

Ақсаң ауылдық округі

– Ақсаң ауылдық кітапханасы

– Жалғызқайың ауылдық кітапханасы

– Қаражар ауылдық кітапханасы

Бірлік ауылдық округі

– Бірлік ауылдық кітапханасы

Жаңажол ауылдық округі

– Мәшһүр Жүсіп ауылдық кітапханасы

Жаңатілек ауылдық округі

– Жаңатілек ауылдық кітапханасы

Қаратомар ауылдық округі

– Қаратомар ауылдық кітапханасы

Күркелі ауылдық округі

– Ж.Шанин ауылдық кітапханасы

– Шоманкөл ауылдық кітапханасы

– Жарылғап ауылдық кітапханасы

Кызылтау ауылдық округі

– Ж.Аймаутов ауылдық кітапханасы

– Лекер ауылдық кітапханасы

Кұндыкөл ауылдық округі

– Кұндыкөл ауылдық кітапханасы

– Егіндібұлақ ауылдық кітапханасы

Майқайың кенті

– Майқайың кітапханасы

– Үшқұлын ауылдық кітапханасы

– Майкөбе ауылдық кітапханасы

Сатпаев ауылдық округі

– Сатпаев ауылдық кітапханасы

– Муса Шорман ауылдық кітапханасы

Торайғыр ауылдық округі

– Торайгыр ауылдық кітапханасы

Ұзынбұлақ ауылдық округі

– Ұзынбұлақ ауылдық кітапханасы

– Ақши ауылдық кітапханасы