Майқайың кітапханасында тұрақты оқырмандардың
қатысуымен ақын, демократ, педагог, публицист және
қоғам қайраткері Сұлтанмахмұт Торайғыровтың туғанына
130 жыл толуына орай “Алаштың ардақтысы” атты әдеби
кеш өткізілді. С.Торайғыров шығармалары – 20 ғасырдың
басындағы қазақ қоғамы шындығын, ондағы жаңашыл
ой-пікірдің дамуын танытатын үлкен белес. Оның ізденістері
«шындықтың ауылын іздеумен» байланысты, оның реализмі
бұлтақсыз, жалтақсыз айтылған шындыққа, әлеуметтік
тіршіліктің шынайы суреттеріне негізделген, оның теңденциясы да сыншыл.
