Уфанов (Әфәнов) Николай Аббасұлы

Павлодар облысы Баянауыл ауданының тумасы.

Атағы. Лейтенант.

Жауынгерлік жолы. ЖШҚА-ға 1942 жылы шақырылған. Ұлы Отан соғысында 25-гвардиялық атқыштар дивизиясы, 78-гвардиялық атқыштар полкі құрамында атқыш-автоматшы, взвод командирі ретінде;  122-әскери құрылыс отряды құрамында комендант ретінде; 8-ші (өздігінен жүретін артиллерия) бригадасы құрамында өздігінен жүретін қондырғының командирі, оқ-атыс взводының командирі ретінде соғысқан. (Воронеж, 1-ші Белорус майдандары). 1947 жылы қайтарылған.

Еңбек жолы. Қазақстан ЛКЖО Павлодар обкомында, мемлекеттік қауіпсіздік органдарында нұсқаушы, Қазақстан Компартиясы Павлодар қалалық комитетінде лектор болып жұмыс істеген. (Павлодар қ.).

Марапаттары. «За победу над Германией в Великой Отечественной войне 1941-1945 гг.» медалі.