Адамдардың бір-бірімен қарым-қатынас жасаудағы тілден
кейінгі ең кемел құралы – кітап. Кітап – қоғам мүшелерінің
қарым-қатынасын реттеуде ғана емес, бүгінгі заман мен
тарихты және болашақты жалғастырып тұрған рухани арқау.
Жазушы Әбіш аға Кекілбаев: «Адамды адам еткен – кітап,
адамзат еткен – кітапхана», – деп айтқандай, осындай бірегей
құралды адамзаттың қолына беріп, ұрпақтан-ұрпаққа жалғап
отырған кітапхана – елдіктің тірегі, ғылымның күретамыры
десек артық емес. Осы мақсатпен Қ.Исабаев атындағы аудандық
кітапханасы Баянауыл ауданы әкімінің аппаратында
«Кітап оқып, рухани бай бол!» атты көрмесімен «Кітапхана терапиясы»
жобасы аясындағы жұмыстар өз жалғасын табуда.
