Ұлттық мәдениеттің негізі – салт-дәстүр. Қазақ халқы ежелден салт-дәстүрге ерекше қарап, әр қадамында жасалу керек ырым-жоралғыларын өз ретімен орындап отырған.
Қ.Исабаев атындағы орталық аудандық кітапхананың кітапханашылары осындай салт-дәстүрлердің бірін орындап, көрсетті. Бесікке салу — нәрестені алғаш бесікке бөлеу рәсімі. Бесікке саларға шақырылған ауыл-үйдің әйелдері шашуын, жол-жоралғысын ала келеді. Баланы алғашқы бөлеу үлгілі ұрпақ өсірген қадірменді әйелге тапсырылады. Ол өзінен басқа тағы бір-екі келіншектің көмегімен бесікті жабдықтайды, сәбидің әжесі не шешесі түбектің тесігінен балаларға тәтті үлестіреді. Осыдан кейін бесікті отпен аластап, баланы бөлейді. Бесікке салған әйелдерге көйлек, жаулық сияқты сый тартылады. Үлкендер батасын беріп, баланың ер жетуіне, ананың үбірлі-шүбірлі болуына тілектестік білдіреді. Сондай-ақ, бесікке бөлеп болған соң Бесік жыры айтылады.