Жалғызқайың ауылының кітапханасында, «Кешкі кітапхана» жобасының аясында Павлодар-Ертіс
өңірінің дарынды тұлғасы, суретшілер одағының мүшесі, Қазақстан Республикасының өнер
академиясының академигі Қабдылғалым Насырұлы Қаржасовтың туғанына 70 жыл толуына орай,
“Суретті сөйлеткен шебер» атты дөңгелек үстел өткізілді. Жастайынан өнерге ынтасы мол
болған ауыл баласы Н.В.Гоголь атындағы Алматы көркемсурет училищесін 1980 жылы тәмамдаған.
Кейін Павлодар қаласында еңбек етті. Қылқалам шеберінің жеке көрмелері еліміздің бірнеше
қаласында, Ресейде өтсе, жұмыстары ТМД мемлекеттерінде, АҚШ пен Еуропа елдеріндегі көрмелерге
қойылып, жоғары бағаланған.
