Қ.Исабаев атындағы орталық аудандық кітапхананың ұйымдастыруымен Ш.Айманов атындағы жалпы білім беру
мектеп‐интернатында, еліміздің руханиятына өшпес мұра қалдырған жазушы Бердібек Соқпақбаевтың 100
жылдығына арналған «Балалар әдебиетінің бәйтерегі» атты шара өтті. «Бір ел — Бір кітап» акциясының
аясында өткен шараға білім ордасының 8 сынып оқушылары мен сынып жетекшілері қатысып, көрнекті жазушы
жайлы тың ақпараттармен танысты. Іс‐шара барысында оқушылар балалар әдебиеті классигінің озық туындыларының
бірі «Менің атым — Қожа» повесінің үзіндісінен қойылым көрсетті. Шара соңында оқушылар түйген мәліметтерін
ортаға салып, алған әсерлерімен бөлісті. Артынан шараға белсенді қатысқан оқушыларға алғыс хатымен
марапаттаулары табысталды.
«Бір ел — Бір кітап» акциясының негізгі мақсаты — ұлттық әдебиетіміздегі ең үздік туындыларды оқу және
насихаттау, рухани мұрамызды сақтау, жастарға рухани-адамгершілік және патриоттық тәрбие беруге бағытталған.