Мұса Шорман ауылының кітапханасында, Дүниежүзілік кітап және авторлық құқық күніне орай
“Кітап өмір ұстазы” атты кітап көрмесі безендіріліп, мектеп кітапханашысы Балжан Солтанқызымен
бірлесе отырып кітапхана оқырмандарының қатысуымен виктарина түрінде іс-шара өткізілді.
Шарада кітапханашы Жанаргүл Мұқатайқызы оқырмандарға кітап туралы мағлұматтар беріп, дайындаған
кітап туралы слайды көрсетілді. Қатысқан оқырмандар, қыздар мен ұлдар болып екі топқа бөлінді.
Қобдиша ішіне кітап туралы жұмбақ пен мақал-мәтелдің жалғасын табу сұрақтары қиылып салынды.
Әр оқырман өздері таңдап алған сұрақтарына жауап қайтарды. Шара барысында, қыздар жақтың жауаптары
басым болғандықтан орын сол жаққа берілді. Жалпы алғанда, кітап баланың ой-өрісін жетілдіріп,
білімін арттырады. Шааның мақсаты: Кітап арқылы жас оқырмандардың білім мен ғылымға деген құштарлығын,
ой санасын толтырып, адамгершіліктің, парасаттың шыңына жетуді насихаттау.