Бүгін Республикалық «Бір ел — бір кітап» акциясының аясында Қ.Исабаев атындағы
орталық аудандық кітапханада «Халқы сүйген қаламгер» тақырыбындағы Баянауыл
көпсалалы колледжінің шәкірттерімен портрет кеші өткізілді.
Шара алдында колледж студенттеріне арнайы кітапхана тарихы жайлы мағлұмат беріліп,
«Алаш» сыйлығының лауреаты, қарымды қаламгер Қалмұқан Исабаевқа арналған музеймен
таныстыру жұмыстары жүргізілді.
Сонымен қатар, іс‐шара барысында колледж шәкірттеріне балалар әдебиеті классигі
Бердібек Соқпақбаев жайлы мәліметтері мен туындылары көрсетіліп, жазушының қалың
жұртқа танымал «Менің атым Қожа» атты туындысының шығу тарихы және түсірілген
бейнефильмнің үзінділері көрсетілді.