Егіндібұлақ ауыл кітапханасында жас оқырмандардың қатысуымен Қазақстанның еңбек сіңірген қайраткері, Баянауыл және Май аудандарының Құрметті азаматы, » Алаш» әдеби сыйлығының иегері,
ҚР Еңбек сіңірген қайраткері Арман Бақтанұлы Қанидың туғанына 70 жыл толуына орай «Күрескер ақын» атты әдеби сағат өткізілді. Күрескер ақын — Арман Қани еліміздің тәуелсіздігі үшін аянбай тер төкті, халқына көп еңбек сіңірді, ақын қаламынан тудырған туындылары арқылы еліне деген патриоттық ыстық рухты сезімдерін жырға қосып өрнектеп бейнелеген тұлға. Қаламгердің өлеңдері Отанға, елге, туған жерге үлкен құрмет пен сүйіспегшілікке толы. Жас оқырмандарға өршіл ақынның өмір жолын үлгі-өнеге тұту мақсатында мәліметтер беріліп, шығармалары дәріптелді.