Қ.Исабаев атындағы орталық аудандық кітапхананың библиографиялық жұмыс және
кітапхана процестерін автоматтандыру бөлімінің «Аналар күні» мерекесіне орай
«Ұлы даланың Ұлы аналары» тақырыбындағы видео шолу.
Ертеден қазақ халқы аналарға ерекше құрметпен қараған. Сол себепті бүгінгі
күні бұл дәстүрдің маңызы еш азайған емес.
«Аналар күні» — аналарымыздың мәртебесін арттырып, ана болудың маңыздылығын
насихаттауға, оны құрметтеуге, нәрестесіне шуақтай болып сепкен мейірімі мен
сүйіспеншілігіне, қамқорлығына алғыс білдіру мақсатында аталып өтетін мереке.
Биыл Қазақстан Республикасының мерекелік күнтізбесі «Аналар күні» мерекесімен
толықтырылды. 2024 жылы бұл мереке елімізде алғаш рет аталып өтілмек. Бұл
мереке мамыр айының екінші жексенбісінде АҚШ пен Канада, Германия мен Италия,
Бельгия мен Дания, Финляндия мен Эстония, Түркия мен Жапония, Бразилия мен
Австралияны қоса алғанда 20‐дан астам елде тойланады.