Егіндібұлақ ауылының кітапханасында, Абай күніне орай ауыл кітапханасы
және ауылдық клубтың бірлесе қазақ әдебиетінің негізін қалаушы Ұлы ақын,
ағартушы, композитор Абай Құнанбайұлына арналған «Абай тағлымы — халық тағлымы»
атты әдеби композиция өткізілді. Халқымыздың маңдайына біткен Ұлы ақын Абай
атамызды жастарға үлгі -өнеге ету және де жүріп өткен дара жолын дәріптеу
мақсатында игі іс-шара ұйымдастырылды. Хакім Абай атамыз қараңғылықта жатқан
қазақ халқын білімге, өнегеге жетелеген дана тұлға. Оның асыл еңбектері бізге
асыл мұра болып сақталды. Біздің келешегіміз жас ұрпаққа тағлымы мол еңбектер
қалдырды. Имандылыққа, адалдыққа, надандықтан аулақ болуға, еңбек етуге, ақыл
мен білімді бірге ұстауға тәрбиелік мәні зор шығармалар және қара сөздері арқылы
хакім Абай жастарға ғибрат қалдырып, өсиет етті. Бұл шара барысында оқырмандар
ұлы ақынның өмір жолымен танысып, өлеңдерін оқып, әндерін шырқады. Сондай-ақ
ауыл кітапханашысы жиналған оқырмандар назарына кітап көрмесін ұсынып шолу жасады.