Биыл жазушы, драматург, публицист, қазақ жазба әдебиетін қалыптастырушылардың
бірі Жүсіпбек Аймауытовтың туғанына — 135 жыл. Осыған орай Қ.Исабаев атындағы
орталық аудандық кітапханада «Сөз жампозы — Жүсіпбек» атты әдеби кеші өткізілді.
Аталмыш шараның қонағы ретінде жазушының аталас туысы, ауданымыздың ауыл
шаруашылығы саласының ардагері, өлкетанушы Рамазан Дінісұлы шақырылып, әдеби
кешке қатысқан мектеп оқушылары мен мұғалімдеріне Жүсіпбек Аймауытовтың өмірі
мен шығармашылығы жайлы тың ақпараттар мен жаңа мағлұматтар айтылды.
Сондай‐ақ, жиналған қауымның назарына қаламгердің еңбектерінен құрастырылған
көрме ұсынылды. Шара соңында Рамазан Нұрғалиев ағамыз жазушының 135 жылдығына
әзірленген әдебиетші‐ғалымдардың зерттеген ғылыми еңбектері мен таңдаулы
мақалалары жиналған және «Дәмелі» атты Жүсіпбек Аймауытұлының алғаш басылымға
шыққан әдеби аудармалар жинағы кітабын кітапхана қорына табыстады.