Бүгін Қ.Исабаев атындағы орталық аудандық кітапхананың балалар әдебиеті бөліміне,
Ш.Шөкин атындағы мектептің даярлық сыныбының оқушылары “Білім көзі — кітапта” атты
кітапханаға саяхатқа келді.
Кiтапхана — оқырмандарымыздың кітаптар әлеміне саяхаттайтын қызыққа толы жол десек,
сол жолмен жүруге оқушыныңда ынтасы болмақ.
Жоғарыда аталып өткен шараның барысыңда, алғаш рет кітап әлемiне келген мектеп
оқушыларына кітапхана өмірімен таныстыру жұмысы жүргізілді. Сондай‐ақ, іс‐шара
барысында бүлдіршіндердің назарына ертегі кітаптар, қазақ және орыс, шетел
жазушыларының шығармалары, балаларға арналған энциклопедиялар секілді көркем
суреттелген иллюстрациялы кітаптар ұсынылды. Бүлдіршіндер өздерің қызықтырған
сұрақтарына жауап алып, түрлі суреттерді бояп, көңілді ойындарға қатысып тамаша
көңіл‐күймен қайтты.